Im Summer 1990 sy mir scho wieder uf Sardinie. Das Mau s myni Eltere o in Orosei gsy. Ihri Fründe hei dört gwohnt mit ihrer Tochter und Familie. Der F. isch vor syre Pensionierig aus Pastor mit em R. uf Orosei zoge. Mir sy mit em Flüger vo Belp uf Alghero gfloge. Der F. isch üs dört cho hole u het üs di schöne Orte im Norde vo Sardinie zeigt. Mir hei in Alghero e ganz e liebi "Sorella" vor Kirche glert kenne. Vor em Heiflug hei mir no ei Nacht bi ihre verbracht.
Es paar Jahr vorhär sy mir mit em J. u E. in St. Jean de Luz i de Ferie gsy. Si hei e Zyt lang im Refugio gläbt u hei dört zu de Feriegäst gluegt u süsch allerlei Bekannti u d'Eltere ungerstützt. Si hei e Tochter übercho wo fasch glych usgseh het wi üse David. Es isch luschtig gsy, die zwöi näbenang z'gseh. Si sy haut öppe glych alt. Es isch so schad wohne mir so wyt wäg vo nang u hei üs chly us den Ouge verlore. Zum Glück git's für das FB u WhatsApp.
Uf em Bild gseht me ihn mit em Grandmaman. Ja, si hei enang gnosse. Mir sy drü Wuche dört gsy u myni Eltere Füf. Mir hei im Refugio gwohnt u myni Eltere i re Wohni im Städtli. Es isch e wunderschöne Summer gsy. S'Meer isch nid wyt wäg u der David hets gliebt im Wasser z'plantsche.
Me cha no Hüt dört häre i d'Ferie gah. Es isch usbout worde u muess ganz schön sy: Holiday Residence Rifugio | Ferienwohnung mieten in Sardinien (holiday-residence.net)