Am Morge han ig, nach em Zmorge grad aus Erschts der David Hei gstellt u ha d'Jael zu üs gnoh. Daheime, isch der Kurt scho am Znacht vorchoche gsy. Er het du o grad Zmittag zwäggmacht.
Der M@i isch a sym erste Pouterabe über nes Holztütschi gstoglet u het sech d'Bänder vom linke Chnöi zerrt. Er louft jetz mit ere Schyne ume. Bitte Heiland, rüehr ihn aa! Sys Chnöi mögi gly ume gsund sy.
Der Stephan u vor allem my bescht Schwiegersuhn, der Päscu hei ums Huus um ufgruumt. Der M@i het, so guet's gangen isch o ghulfe. D'Familie Thür u d'Sarah sy du am Mittag o da gsy. Es het gnueg Räschte gha vom Pouterfest.
Bevor am Namittag Thürs gange sy, sy hei d'Jael zu sich gno, isch der M. mit syne drüü Kinder cho. Der chly E. het zu mir wölle. Wo üse Bsuech vom Abe cho isch, het är ihne gseit: "das isch mys Huus!" Ja, vor vier Jahr hei die drüü Kinder bi üs gwohnt bis ihre Papi vo Aethiopie här cho isch u se übernoh het. Ihres Mami isch krank gsy u ig ha se begleitet bis zu ihrem Tod. I ha syt drüü Jahr no ne Grosimässigi Beziehig zue ne...Vorhär isch es intensiver gsy! Si hei gäge Abe ume uf e Zug müesse.
Mir hei der Abe mit R. u H. gnosse. Der Kurt het e megafeini Paëlla gkochet, lueget wie schön!