Uf däm Bild isch Jerusalem u im Hingergrund, der Ölbärg. Ja, dört isch es passiert, dass Jesus 40 Tag nach syre Uferstehig mit syne Jünger häre isch. Uf en Ölbärg isch er mit ihne u het ihne erklärt, dass Är zum Vater zrügg göng u am glychen Ort wiedercho wärdi. Är het ihne no gseit, Är müessi gah u schicki ihne der Heilig Geist, der Tröschter. Si sölle wüsse, dass Är all Tag bi ihne sygi bis as Ändi vor Wält. U plötzlech isch Är vor ihrnen Ouge ufgfahre. Das isch ar Uffahrt passiert.
Im Momänt tobet's ume in Israel. Es isch so viu ufgstounige Hass ume. Es passiere geng wieder Verletzige u im Momänt stärbe Lüt, wäge Bsitzaaspruch vo Land. Der einzig wo der wahri Friede in Israel wird chönne wieder härstelle, dä wird uf em Ölbärg erschiene. Denn wird di ganzi Wält erchenne, dass Är der Messias isch, der erwarteti Retter! Yeshua ha Mashiah! Yeshua Ha Mashiach (Jerusalem Arise)