Gester am Abe sy mir beidi so Müed gsy, dass mir nid e Mau meh Fernseh gluegt hei. Mir sy eifach mit de Hüehner is Bett...Hüt am Morge si di Junge zimli früeh cho Zmörgele. Am Nüni isch di zwöiti Legi cho Znüni näh u am 9.30 Uhr han ig mit dene vo Livenet im Zoom s'geistleche Pousebrot ggässe. Es isch würklech empfählenswärt: vo 9.30 bis 10 Uhr uf Jeden Mittwoch - Gemeinsame Kaffeepause mit dem Livenet-Team
I ha nächär di nöischti Folg vo "the chosen" gluegt wo Gester usecho isch...
D'Sarah isch go d'Grandmaman hole wo mit üs Spaghetti, Thontomatesauce u Salat het ggässe.
I bi nächär mit em Grandmaman Richtig Biel gfahre. I ha dört e Lieferig gha u mir sy nächär zu ihrem Brueder. Es isch schnäll verby gsy, d'Zyt mit Gschichte vo früecher. I ha d'Grandmaman ume Hei gstellt u bi sofort uf Bigle. Mir hei Hinecht Fernseh gluegt...