Ganz am Afang, im 1985i isch es drum gange, dass d'Rainbow e Sängerin gsuecht hei. Es isch du doch zum ne Rainbowsend cho, wo di meischte ghürate hei gha u Kinder übercho hei...Sy di Einte gange u es sy du o anderi Mitglieder derzue cho. In Würelos hei mir en Uftritt gha als Bostitch. Dä Name het sech aber nid düregsetzt.
TOF, e so het d'Band gheisse won ig du vo 1986 bis 1989 mitgsunge ha. Das Bild isch s'Cover vo üsere DemoTape gsy. Es isch, wi's der Name seit, e Band wo mehreri Musikrichtige vereint het. Der Jürg isch der Heavydrummer gsy, der Thom der Jazzpianist, der René der Funkbassist, ig d'Gospellady u der Röfe der Bluesgitarrist. Es het gfägt, e so zäme Musigg z'mache. I dere Zyt hei mir a verschiedenen Orte Konzärte ggäh, uf em Rockschiff uf em Zürisee, im Stärne Bümpliz, im National am Bägofest, in Guggisbärg, in Lyss, in Thun am Innestadtfest uf der glyche Bühni wi der Polo Hofer. Mir hei viel zäme erläbt, bis ig mi für d'Familie entschiede ha.