Gester wi Hüt isch fuuul Wätter. I ha das düschtere gar nid gärn! Es tüecht mi, es tüeg mir jedes Glänk am ganze Körper weh...Das füechte Wätter isch nüt für mi.
Gester am Abe isch s'Flävi mit em Velo hie häre cho. Mir hei zäme am P. syni Stürerklärig gmacht. Nachdäm mir fasch zwöi Stund lang probiert hei is System yne z'cho isch doch dere vom Helpphone vom kantonale Stüramt doch no i Sinn cho, dass üses Problem chönnt sy, dass ig s'letscht Mal mit em ne andere Browser dry bi. Es het du sofort klappet. Mir sy du gly fertig gsy. Hüt düecht's mi no ne Zagge füechter als Gester. Bäääh! Hinecht luegen ig de ume, wi fasch geng am Zischtig, "um Himmels Willen!" Das finden ig e so ne härzigi u erfrüschendi Serie...