Am Morge bin ig ume früeh erwachet u bi d'unde go wyter schlafe. Der Kurt het nach üsem Zmorge u der Bibuläsi, Haxe übertah u isch gly druf i d'BewegigPlus uf Konolfinge. I ha ume am Gottesdienst per WhatsApp Call chönne teilnäh. Hüt isch d'Reihe zum Thema Abschied z'Änd gange. I paar Tag cha me's de luege uf der Homepage: BewegungPlus Konolfingen (bewegungplus-konolfingen.ch)
Nach em Gottesdienst isch d'Grandmaman hie cho ässe. Nach em Mittagsschläfli isch z'ersch der M@i cho, nächär Mäni u Tanja, Mattis u Thürs. Es isch so schön warm gsy, dass mir di ganzi Zyt dusse sy gsy. Es het feini vor Sarah früsch gmachti Waffle ggäh, derzue früsche Beeri u feine Glace vom Home - N'Ice Cream Der Mäni u d'Tanja hei nächär d'Grandmaman grad Hei gsellt. Di Chlyne sy müed gsy u so sy du Thürs o gly Hei.
I bi so froh, han ig myni Kinder alli ir Nächi u gseh se immer wieder. Das erfreut mys Muetterhärz!