Am Sächsi bin ig Hüt scho wach gsy. Der Kurt isch o grad erwachet. Nach em Zmorge, sy mir beidi no Mau go liege. Gäge Nüni isch der David mit der zwöi Schätzlis cho. Der Bueb het grad d'Hose voll gha. I ha wieder Mau gwicklet. Der David het mir müesse hälfe. I bi nümm so gwannet...Nachdäm der Noé sy Brei ggässe het, het d'Jael wöue Filmli luege. Ihre Papi het nid wölle, drum het si e Krise gha. Si sy du gly druf abe Hei gange.
Gäge Elfi sy der Kurt u ig mit em Copen go usfahre. Im Alpenblick, im Ferenberg hei mir Zmittag ggässe. D'Usfahrt het üs über Bern, Schliern, Riggisberg, Wattenwil, Seftigen, Wichtrach, d'Herrlechkeit, Tägertschi, Schlosswil u ume Hei. Daheime isch der Kurt i d'Hängematte u ig ha gnueg Sunne gha u bi uf d'Massageliegi. Am Vieri hei mir d'M. u der R. uf Bsuech gha. Si hei grad Znacht mitbracht. Es isch mega fein u e wunderschönen Abe gsy. Merci!
I ha hie es Fötteli vo üsem Copen mit em Grandmaman als Byfahrerin.