Hüt am Morge han ig z'erscht ume "the chosen" gluegt. Es isch so spannend, i cha fasch nüm höre mit luege. Myner Söhn sy cho Znüni näh u nächär han ig der Copen gnoh u bi über einigi Bärge zur K.gfahre. Si het mi yglade zu ihre go bade i ihrem Hotpot. Ihre Maa het scho am Morge früeh aagfüüret gha. Z'ersch isch es no z'heiss gsy. Si het es paar Kessle kalts Wasser yneglährt. Nächär isch es sehr aagnähm gsy. Mir sy zäh Minute drinne gsy, sy use üs go abküehle u sy ume dryy. Das het guet tah. Nach em Bchyyme, sy mir zum Tisch. Es het e feini Lasagne ggäh. Nach em Zmittag han ig es Mittagsschläfli gmacht. Am drüü hei mir ume zäme braschtet. Vor em Fyrabeverkehr bin ig ume gäge Hei zue. I ha nächär ume "the chosen" gluegt. Der Kurt u ig hei Znacht ggässe, es paar Mal mit em Grandmaman telefoniert u nächär no mau gluegt. Zwüschyne han ig hie gschrybe...