I ha's am 9.30 Uhr gschafft ume byr Pouse chönne derby z'sy. Ja, nüt isch konstanter als d'Veränderig u äbe doch, Eine isch es: Jesus. Är isch der glych, Gester, Hüt u für geng. Das git mir Sicherheit i allne Veränderige.
Am Haubi Elfi isch mys Gottemeitschi mit ihrem Mami mi cho bsueche. I ha ihne versproche a ihrem Geburtstag zu ihne z'gah. I freue mi druf!
I ha Zmittag nume no müesse i Ofe tue u mit em Räschte Spaghettis u am Salat het's guet glängt für alli.
Am zwöi het d'Sarah d'Grandmaman abgholt u zu mir bracht. Si hets ume gnosse bi mir z'sy. Ig o, se hie z'ha.
I ha Hüt ume "the chosen" gluegt. Es isch würklech e so wien ig mir vorstelle, dass es cha gsy sy. Jesus u syni Jünger u was passiert isch won Är aus Mönsch uf Ärde gläbt u gwürkt het.
Hinecht hei mir bi üs Chlygruppe. Da tüe mir zäme di letschti Predig vom Sunndig ir BPlus diskutiere.