I stah ja geng mit mym Schatz kurz nach em Sächsi uf. Gester han ig gly afa schrybe u ha no paar Telefon gha. I ha nächär plötzlech Bsuech gha. Der A. het syni Frou zum Schaffe uf Bigle tah u isch nächär spontan uf nes Kaffi cho. Är het nachdäm mir zäme pläuderlet hei, no mit mir bättet. Bevor er gangen isch, het er mir no d'Härdöpfu us em Käller ufe treit. Settige Bsuech tuet guet.
I ha du d'Härdöpfu fürs Pouletgratin | Betty Bossi über tah u bi no am Komputer blybe u wo d'Sarah isch cho häufe choche, han ig plötzlech müesse gögge. Es isch doch e chly z'viel gsy, ohni z'liege der ganz Morge...I ha fasch nüt möge ässe. Am Namittag bin ig haut meh gläge. Ja, i muess lerne myni Kräfft yz'teile o wenn's schön isch... Hüt bin ig hüfiger go liege. Am Mittag hei mir Räschte ggässe...Hüt am Namittag han ig "the Chosen" gluegt. Das isch scho en ydrücklechi Serie!