Der Kurt hät Gester am Namittag im Oberland e Termin gha. Syni Schwöschter het das ghört u het üs es Zimmer greserviert...Mir sy also gester gägen Abe uf Wilderswil. Es het es megafeins Znacht ggäh. Üse Schwager het üs es Gourmet Menü lah gniesse. Stellet öich vor, i ha mys Fleisch nid möge. I ha's du hüt am Morge zum Zmorge fertig ggässe. I bi scho vor em Nüni go liege. I bi sooo müed gsy. Der Kurt isch aber no fit gsy u het ganz feini Desserts u guete Wy derzue übercho.
O Hüt isch Zmittag oberfein gsy! Ig empfihle öich im https://www.hotel-alpenblick.ch es Zimmer z'näh damit dir fein chöit ässe...Es lohnt sich! Mir sy vory ume Hei cho.
Myni Verbrönnige vo der Bestrahlig am Rügge sy immer no sensibel wi ne Sunnebrand. Es isch ja scho zwöi Mönet här...Der Kurt tuet mir aube Öl drah u darf aber nid z'fescht rybe...I ha immer no fasch e Gledu uf em Kopf. Hüt han ig im ne Heimatlade es Sennechäppi poschtet, eis mit schöne Edelwyss. Derzue, e passendi Ethno Maske...Myni Kinder hei mi usglachet...