Ja, mir hei üs "Guru Klub" gnennt. Mir füf Froue hei zämegha, sy öppedie am Abe nach em Schaffe no z'Tanz. Es isch keni uf Ufriss us gsy. Mir hei's eifach wölle luschtig ha zäme u üsi Energie loslah. Der Grund wiso mir üs dä Name hei ggäh gha, dä isch üs ir Schuel i Sinn cho. Mir sy hüffig die gsy wo öppis vorgschlage hei u alli hei üs gfolget. Es isch so mängisch passiert, dass mir gseit hei, mir chönnte ja Gurus sy, di andere mache, was mir wei...I ha no mit der einte oder andere vo myne Gurus Kontakt, es wär aber dranne es Guruträff z'organisiere. I mache's grad.