Am Morge het d'Sarah feini Gipfeli zum Znüni bracht. Zum Zmittag han ig Rys vor Gotthard Gägend gmacht u Rindsgschnätzlets. No ne Salat u Räschte het's derzue ggäh u das het guet glängt.
Am Namittag isch es so schön warm gsy u doch han ig Respäkt gha. I ha doch nid der Copen gno... Der David het mir sys Outo mit Schiebedach usglehnt. Es isch es anders Fahrgfüehl. Es isch grad s'Gägeteil vom Copen. Dört meinen ig geng i fahri scho megaschnäll, derby zeigt der Tacho 65 Km/Std. Bym Volvo hesch e chly ufs Gas drückt u scho isch er uf 88 Km/Std. Zum Glück zeigt's es ir Frontschybe o aa, de chasch ume ab em Gas...
Hinecht isch der Jamie ume go Schutte. Der Stephan isch i dere Zyt mit de zwöi jüngere Giele da gsy. Si hei mit üs Znacht ggässe. Der Stephan isst de später mit em Schätzli bym ne Tête à Tête.