Bym Zmorge han ig nid möge ässe. I ha eifach myni Schmärztablette gno. E Stund später han ig dänkt, i nähm doch ume eis mys Moringa, d'MSM Vida u d'Vene Tablette, Daflon. I ha drü Telefon gha u plötzlech, wo's ume glütte het, ich das mir schlächt worde, dass ig ha müesse göögge. Nächär isch es mir ume besser gange. I ha zwar nid möge us em Huus gah. D'Sarah het Räschte Chinesisches zum Zmittag bracht, i ha's nume müesse wärme. Salat wäsche u scho hei mir chönne ässe.
I bi fasch der ganz Namittag i mym Pflegebett gläge. Am haubi Füfi bin ig Abe. Mir hei no e Matratze u ne Topper im Outo, so han ig der Kofferruum uftah u bi öppe e haub Stund hinger yneghocket. E so sy myner Händ nid ar Sunne gsy. Zum Znacht hei mir no di feini Künguläbere ggässe. I ha no nes Yoghurt gno...Es het guet tah, hüt nüt los z'ha...