Der Kurt isch mit em Copen go d'Grandmaman hole für i Gottesdienst. Es isch immer wieder erstuunlech wi guet si bi däm Outöli cha y- und usstyge. I dere Zyt sy der David, d'Jael u der Noé zu mir cho. I ha der Gottesdienst per WhatsApp Call mitverfolgt. Es fägt, wi sech der Luc u der Mathias als Pastore ergänze. Schad isch aube d'Musig e so schlächt übertragbar...
Wo der Kurt u d'Grandmaman aacho sy, isch der Noé o ume wach gsy u der David isch du Hei. Am Namittag sy der H. u d'R. uf Bsuech cho. Gly druf abe sy der M@i u d'Sabi, der Päscu u d'Sarah cho. Es isch no hurti öpper cho der Töff vom M@i probefahre u di zwöi wo ihn bracht hei, sy o ne kurzes Momänteli blybe. Es hei paari Gjasset u es isch süsch no ne Kolleg cho. Wo mir s'Znacht hei afa wärme het's "Wusch" gmacht u s'isch no üse Bsuech da blybe. Mir hei Salat u Polenta us em Tessin u feine Küngurollbrate mit Gmües us em Ofe gnosse.
Hinecht isch bis jetz no nüt los...