Hüt sy mir zrüggcho vo wunderschöne Ferie im Tessin. Es het mega guet tah, e so guet tah, dass mir ei Nacht länger Ferie gmacht hei. Chille, loufe, guet ässe, es Gläsli Wyy trinke, bade, wellnesse, diskutiere, zäme Gott danke für alles won ÄR üs schänkt, lache u vor Allem GNIESSE!
Hüt hei mir uf em Heiwäg e ganz e schöni Begägnig gha. Es het mir's ermöglechet, wieder einisch lutstarch Musigg zu Gottes Ehr z'mache u das het gfägt, ohni jemals vorhär zäme gspielt z'ha druflos z'Jamen u ne guete Sound häre z'bringe. Jetz bin ig müed!