My Schatz un ig göh i d'Ferie. Hüt hei mir no fei öppis los...Am Mittag chunnt öpper vo re Studie vor Insle, mi zum Thema "myni jetzigi Understützig Daheime" wär isch da alles involviert, cho usfrage...
Am Nami göh mir no bym Mamie verby. Si het immer so Längizitti nach mir...Zum Glück cha si mir uf's Handy aalütte...I bi ja nid ab der Wält...
Der Kurt muess no öppe ei Stund in Willisau go schaffe u de fahre mir a Vierwaldstättersee uf Beckenried i nes Hotel. Dört wei mir Znacht ässe u übernachte u fahre Morn uf Locarno. Dört wei mir es älters befründets Paar bsueche u bi ihne Znacht ässe. Mir schlafe im ne Minihotel.
Am Sunndig fahre mir für fasch e Wuche de i d'Nächi vo Lugano i nes Wellnesshotel. Dört träffe mir üs mit Stöcklis vo Wilderswil. I freue mi meeegaaa! Dann bin ich 'Mal weg...Bis nächscht Wuche...