Während der RS isch der Kurt fasch jedes Wuchenändi uf Thun cho. Nach paar Wuche han ig ihn gfragt öb är de ke Wösch heigi. Da het er gmeint, är tüeg se sym Mami schicke de heig si o öppis vo ihm...Won er in Bülach fertig isch gsy, isch er mit sym beschte Fründ für drü Mönet (gfüehlt 5) uf Amerika. Mir hei enang frei ggäh e so, dass wenn ihm d'Troumfrou oder mir en andere Troumprinz begägni...Das isch ömu vo myre Syte här nid möglech gsy. I ha sooo Längizitti gha. I ha ungfähr gwüsst wo si düregöh aber niene en Adrässe gha...Är het mir drü Mal gschrybe u zwöi Mal aaglütte. Das sy no Zytte gsy, ohni Handy...Mir hei's überläbt, üsi Liebi o!