Am Morge früeh isch es Telefon cho. Der Even (2) isch dranne gsy u het mir gseit: "Grossmami, i wott mitcho" Der P. isch für 14 Täg is Bärau go Schnuppere. Da si d'Bystandschaft wird übernäh, han ig d'Flavia mitgnoh. Mir sy also z'vierte höch dört aatrabet. Nach em ne Gschpräch mit de Verantwortleche, hei mir no es Aakunftsfötteli uf sym IPad gmacht. Er het bym Abschiednäh gmeint:
"ig bätte für Kigi, ig bätte!"
Uf em Heiwäg han ig de Kinder im McDonalds es Happy Meal postet. Nachdäm ig bi Thürs feini Sushi ggässe ha, bin ig Hei. Da sy si am Tisch ghöcklet u hei es feins Filet im Teig ggässe. I ha fasch nüt möge u bi go liege. Am 14.00 Uhr isch d'B. cho. Mir hei zäme plöiderlet u mir sy ab und zue d'Ouge zue gheit. Es isch mir fasch pynlech gsy. Gar nid, dass es mi glängwylet hät aber i bi so müed gsy...Am Füfi sy zwöi befründeti Paar cho. Nachdäm mir im Löie Worb bstellt hei gha, sy der Kurt u R. o Hei cho. Es isch es richtigs Banket gsy mit indischem, thailändisch u mexikanischem Food. Nach em feine Dessert wo si mitbracht hei gha, bin ig eifach dervo is Bett...