Der P. het vor IV d'Kosteguetsprach für ne nöie Rollator übercho u het no en Yladig gha syni nöie schueh go z'hole. Mir hei no grad es Paar Schueh won er vor paar Wuche gkouft het id Reparatur bracht. Wo mir Hei cho sy het d'Sarah scho fasch fertig gkochet gha. Spaghetti mit Wirz u Späck a re Tomate-Rahm Sauce. Es isch megafein gsy!
Am Namittag han ig bir C. e Termin gha. Si het mir chönne d'Lymphe lah abfliesse. I füehle mi ir Letschti e so krass ufdunset u d'Häng u Füess sy fasch wi toub...Es isch wäg der Chemo u o wäg em Cortison wo si mir aube yneglah hei, damit es mir weniger schlächt syg...
I bi beidi Mal mit em "fröschli" gange. es isch o ne Daihatsu wi der Copen. Dä isch chly u gäbig zum parkiere...Im Momänt fahrt ne süsch d'Sarah. Uf em Bildli hei si ne zwäggmacht für am ne Hochzyt...