Am Morge han ig no es Telefon gha mit der Schmärzärztin. Si het mir danket, dass es mit mir so unproblematisch göngi. I ha ihre gseit, was ig bruuchi, i muess dd'Dosis erhöhe. Nach däm isch d'Pflegefachfrou vom MPD bi mir gsy. si het mir gseit, es tüeg se beydrucke wi offen ig über mi Gloube redi. I sygi da e Pionierin i däm.
Am Mittag han ig für üs es Linsegricht, für e P. Rösti mit Späck u Spiegueier u für e M@i Teigware mit Poulet. Am Namittag bin ig mit em Kurt u P. am Sportplatz nache go loufe. I mag eifach nid wyt gah...
D'Manne sy vom Büro uus rund um d'Bude gloffe u zrügg. Das hät ig nid möge...
Der Kurt isch am Sächsi go bade mit em R. wo Gester nach 24 Stund Outofahrt hie aacho isch.
Am Abe het der M@i afa füüre u si Kollege isch no cho. Der Stephan isch mit der Familie cho. Der Jamie isch o no is Bedli. Es het 36 Grad Wärmi gha. Mir isch es z'Kalt bym Usstige...Es isch ume eis e schöne Familie Abe gsy.