Füf Wuche lang bin ig im Froue 7 gsy. Das isch so öppis wi ne Ändstation gsy. Vom Siebni bis am Nüni sy mir zwöi Persone gsy für es haub Dotze Froue ufz'näh u di Einti oder Anderi z'dusche. Vom Nüni bis am haubi Zwölfi bisch allei gsy u hesch mit keire vo de Patiäntinne chönne diskutiere. Di einti het der ganz Tag bis zu siebe Mal e so i d'Hose bislet, dass Du se jedes Mal hesch müesse früsch aalege. Di anderi het di ganz Zyt Lisebeeet gseit, di Dritti han ig aube müesse i d' Gümmi zälle tue. Die het keni Ougen im Kopf gha aber, wenn ig zur Tür yne cho bi, het si bäägget wi am Spiess. Di Vierti het aube ihri Backe gribe u d'Wöhli gha. I bi aube fasch düredräit u ha afa uf WC Papier ufschrybe, was ig empfinde...