Gester hei mir e schöne Tag gha mit em ne Teil vor Familie.
I ha mir i de letschte Täg viu zuegmuetet . I häts äuä meh sölle mache wie der Noé uf em biud. Dä het eifach gschlafe woner müed isch gsy.
I ha am Abe müesse erbräche. Der P. het druf abe gwünscht, dass der Kurt mit mir tuet bätte. I ha du nächär ruhig chönne schlafe.
Vory han ig ume vom Bett us, per What'sApp chönne am Gottesdienst teilnäh. Das het mir guet tah. Es tuet sowieso guet z'merke, dass so viu Fründe Aateil näh. Gteiltes Leid isch haub so schwär...
Hüt am Nami göh mir de zum Even go si zwöit Geburi fyyre. Dört wirden ig o chönne liege...