Gester isch ume Chemo-Tag gsy. Der Kurt het mi häregfahre u d'Sabrina het mi gholt. Am Namittag het der Kurt der P. zu üs i d'Ferie gholt.
Am Abe hei der P., der Kurt u ig dusse brätlet. Der M@i, d'Sabrina, der Päscu, d'Sarah, der P., u d'J. sy derzue gstosse. I ha's fei lang usghalte. Der P. isch o mit mir ufe cho. Är het no Fernseh gluegt. I bi is Bett u ha letscht Nacht paar Mau ufmüesse.
Hüt am Morge han ig uf müesse, obwohl ig hät chönne usschlafe. Der Kurt het der P. uf Hasle gfahre won er mit em R. z'Predig isch.
Ufs Zmittag sy mir bi W.s yglade gsy. Es isch für üs z'erscht Mau gsy, i de Pfännli sälber z'choche. Das isch es Erläbnisässe gsy.
Mir hei der P. bym R. gholt u sy gäge Hei zue. Daheime aacho sy der Kurt u der P. is Bädli gstyge. Es isch sicher 35 grädigs Wasser gsy. I ha nid dry wölle wäg em friere bym usstyge. Am Füfi sy S.s cho. Es het guet tah us z'tuusche. Es isch schön, we me mit Fründe eifach dört cha wyterfahe, wo me z'letscht Mau ufghört het. Si hei für mi bättet.