Am Morge isch vor em Zmorge en Andacht gsy wo mir Pfingstjubiliert hei. (Das Liederbuech wo mir drus gsunge hei het: Pfingstjubel gheisse.) I bi erstuunt gsy, wi mängs vo dene Lieder ig kennt ha.
Mir hei ja im Parkhotel gwohnt u das isch wäg der Schuel dür e Winter zue gsy. D'Chöch sy de kreativ gsy, u hei düre Winter eifach mit chlynerem Budget kochet...
Es sy interessanti Lektione gsy mit de verschiedenschte Dozänte us der Pfimi u der GFU (hüt BPlus).
Mir hei einigi Ysätz gha, in Bärn, Thun und no e längere in Winterthur. D'Klass isch für dä länger Ysatz i zwöi Gruppe teilt gsy. In Winterthur han ig bi re zuekünftig Missionarin glogiert. I mag mi no a nes Theaterstück bsinne wo mir d'Musig vo "spiel mir das Lied vom Tod" brucht hei.
Es isch e schöni Zyt gsy o grad bi spontane Träffe im Stägehuus. Es isch ja nid erloubt gsy, sech Männlein und Weiblein, i de Zimmer z'träffe. Das het aube gfägt, bis irgendöpper isch cho motze, we mir's am luschtigste gha hei...I ha ja fasch d'hälfti vor Klass scho vorhär kennt, drumm hei mir einigi Luschtigi Abete gha.