Scho won ig i d'Zältkirche by, han ig mynen Eltere gseit, i göng de uf Gunten is Parkhotel id Bibelschuel dür e Winter. Si hei mir denn gseit, si chönni das mir nid zahle. I ha du gseit:" Wenn Gott wott, dass ig dert häre gah, de tuet är für s'Gäld luege." I der glyche Wuche won ig das gseit ha, isch plötzlech i üsem Briefkaste es Kouvert dynne gsy mit däm Betrag won ig bruucht ha für die Schuel z'zahle. I weiss no Hüt nid wohär das Gäld isch cho. I ha ömu gwüsst, was ig z'tüeh ha. Es isch e herti Zyt gsy. Der Kurt het mi sälte am Wuchenändi chönne bsueche. I dere Zyt hei mir üs Briefe gschriebe. Hüt würd me Videocall u sech süsch im Netz träffe...
Uf de Bilder gseht me myni Ysatzgruppe u myni Klass.