Nach vierzäh Täg han ig z'erste Mal uf Glarus chönne. I ha der Kurt gfragt, öb si es Gästezimmer heige, i wöll dört schlafe. Es isch es schöns Wuchenändi gsy. Mir hei üs mit syne Fründe troffe. Der Kurt het no en Usstellig gha vo syne Prüefigsarbeite. Er het mit sym Fründ, e Bassgitarre u der This, en E-Gitarre sälber gmacht.
E Wuche später bin ig als Fründin vom Kurt yglade gsy, in Uetendorf mit ihm zäme, der Geburtstag vo sym Vater go z'fyyre. Är isch denn o no paar Stunde zum Vater go übernachte. I bi total verliebt gsy. Mir hei stundelang chönne rede zäme über ganz viel Theme. Wenn er wieder Hei isch, de hei mir gly zäme telefoniert.