Dä jung Mää in Mollis, der Kurt het mi beydruckt. Er isch üs am Morge wo mir hei afa abbrotze, am Vieri scho cho hälfe. Wo alles isch yglade gsy, het är myni Adrässe wölle. I ha ihm d'Adrässe vom ganze Team ggäh u ihm gseit er chönni o ar M. schrybe. Da myni Eltere in Thun im glyche Hus gwohnt hei wi s'Sekretariat vor Freikirche wo d'Zältkirche ghört het, isch das o myni privati Adrässe gsy. Nach eire Wuche isch Post cho. Das han ig der M. nümm gseit. Mir sy nach em nächsten Ysatz no uf Frutige alles go Ywintere. I dere Zyt sy einigi Briefe hin u här...
I weiss no, als knapp füf jährigs Meitschi han ig Mau gseit, i wärdi nie en Afrikaner hürate. In Bärn aacho han ig Mau gseit, i wöu nume e Bärner...I ha mir scho gseit gha, vielecht sy d'Glarner o rächt, oder? Plötzlech schrybt der Kurt, är chömm uf Thun sy Vater cho bsueche u de würd är o bi mir verbyluege.
Uf däm Biud bin ig i mym Elemänt...