Hüt sy mir gäge Mittag richtig Wilderswil. Der Richie het am Frittig geburtstag gha u mir hei Hüt mit ihm gfyyret. Es isch ume eis megafein gsy! Z'ersch het Kaviar uf Härdöpfeli mit Früschkäs u nächär, es Kalbskotelett am re feine Morchelsauce mit Spargle a re feine Sauce hollandaise u Schnupfnudle ggäh. Zum Dessert hets Ärdbeeri mit fyner wysser u schwarzer Schoggi mit Mousse à la fraise ggäh. Es het zu jedem Gang e passende, feine Wyy ggäh u aschliessend no e Zuger Kirschturte, Kaffi u Schnäps. I bi i dere Zyt wo siTurte ggässe hei, mit em Grosi go Mittagsschläfli mache. I mag ja im Momänt nume ganz wenig Alkohol verlyde.
Wo mir nach der Siesta zrückcho sy, bin ig du Hei gfahre. Mir hei zwar fasch alles derbygha zum z'übernachte aber der Kurt het Morn am Morge früeh e Termin u ig ha my Tempur Matratze nid derby gha...Es isch es schöne Tag gsy!