M@i u Sarah hei no hie Zmittag ggässe. Wo mir d'Gandmaman hätte wölle hole, het si e Härzkriise gha. Der Kurt het se du ersch nach de Drüne gholt. Myni beide Brüetsch sy kurz vorhär hie ytroffe. Mir hei mit em Grandmaman alti französischi Lieder gsunge u vo früecher brichtet. Das het ihre wohl tah.Nach de Füfe, hei der Kurt u ig se zrüggtah i Landblick. Si het o grad e chly Müeh gha bym Usstiege. Si mag scho nümm so Emotione verlyde.
Mir sy zum Znacht yglade gsy ir nöie Wohnig vo üse früschvermählte. Es isch mega fein gsy! Z'ersch het's e feini Kürbiszündhölzli us em Ofe ggäh u nächar Riis mit em ne Schwynsplätzli. Zum Dessert, het der M@i mit üs vo syre Läderach Schoggi teilt. Es isch würklech di Beschti!