Syt Vorgester schneit's immer wieder...I bi so gsägnet mit schöne Blueme. Hüt o wieder. Merci, myni ikut-Froue!
Hüt am Morge bin ig bir Coiffeuse gsy. Si het us myne rästleche Haar doch no e Schnitt chönne mache. Danke N.!
Uf em Heiwäg han ig dörfe d'Wohnig vo üsne Früschvermählte besichtige. Megaschön!
Am Mittag hei mir Junkfood, Nuggets mit Gmües gha.
I ha ume ne Termin gha bi myre Osteopatin. Si het mir fei mängi Verspannig chönne löse. I bi froh han ig chönne gah.
In Burgdorf het's grägnet u hie het's gschneit.
Morn wirden ig nüt schrybe. Mir göh uf Adelboden und i chume de Übermorn ume Hei...