Hüt sy üsi Früschvermählte züglet. Ihri Gschwüschterti u Fründe hei se derby ungerstützt. Di andere hei üs ungerstützt. Mir hei fasch der ganz Tag all üsi Grosskinder gnosse. Si hei ganz schön gspielt u sy zwüschyne bi mir im Bett gsy. Am Mittag hei d'Zügulüt o hie ggässe. D'Sarah het fein gkochet gha. Am Namittag het üse Ältischt fasch nümme chönne ufhöre Lego spiele. Ersch wo sy vier Mönet alte Suhn het afa usrüefe, isch er Hei gange. Hinecht isch es ganz ruhig, hie...