I bi denn 13 jährig gsy, wo myni eltere mit üs drüne Kinder uf Grossbritanie, ganz gnau gnoh uf Wales sy. Si hei ja dört in Penygroes, eis Semester vo Ihrer Theologischen Usbildig absolviert gha. Es het im Summer 1977, während eire Wuche dört e Konferänz stattgfunde. Es sy hunderti vo Lüt us allne Egge vor Wält dört häre Pilgeret. I ha gly e Job gfasst: i bi bym Zmorge ässe ar Kaffimaschine gstande u ha dört d'Lüt bedient. D'Lüt hei mi dört gfragt, öb ig vo Schottland chömm. I ha mir später lah säge, dass d'Schotte der schlimmsti Akzänt i ihrem Änglisch heige...Einisch han ig öpperem es Tee wölle mache u ha mir ganz bös d'Hand mit heissem Wasser verbrönnt. Myni Hand isch mega rot worde u me he gseh, dass es e grossi Blatere über e ganz Handrügge git. Statt zum Dokter, hei die wo d'Verantwortig für mi gha hei, für myni Hand bättet. Im nu isch di Schwellig u vor allem di starche Schmärze wäg und ig ha chönne wyterschaffe. Das het mi Gloube gstärkt! Es isch zwar scho vorhär aber vo denn aa für mi no klarer gsy, dass ig bim ne Bobo mög er chly oder gross sy, immer z'ersch zu mym Heilang gah.