Myni Fründinne sy alli paar Jahr älter gsy. Won ig ir achte Klass bi gsy, han ig d'Möglechkeit gha mit em "Tigerli" uf Dänemark z'chönne. Es sich e Fründin gsy vo mir wo scho zwänzgi isch gsy. My Vater het äxtra e Bestätigung gschribe, dass ig darf mitgah. I bi ja no nid 16i gsy.
Es isch spannend gsy, mit em Nachtzug am Vieri z'Hamburg aaz'cho u üs bis am Achti z'vertörle. Es het mi scho beydruckt am Morge früeh dür d'Reeperbahn z'loufe u um die Zyt no so viel Lüt dört z'gseh. Di Froue i de Schoufänster hei mir richtig Leid tah. Plötzlech hets mir yglüchtet, dass es bi üs in Europa nid besser bstellt isch mit den Froue als in Afrika...O die Froue wärde eifach wie War verchouft.
In Dänemark hei mir e ganz e cooli Zyt gha wo mir mänge Abe singend am ne Füür i de Düne gsässe sy.