Scho Gester sy d'J. u d'K. mi cho bsueche u hei schöni Blueme u Guetzis u Säft bracht. Si wei de Nepalesisch choche, wenn d'Bestrahlig düren isch. Hüt isch mys Mosaik-Trio cho. D'I. d'A. u d'M. O si wei de choche, wenn ig de ume mag. Kurz vor em Mittag isch d'S, cho nes Bsüechli mache. Si het mir e gäbigi Kappe glismet u het se kurz verbybracht. Wi ufmerksam! Üsi zwe ältere Sühn hei ume eis zäme mit üs Zmittag ggässe. Das isch feni gsy u het guet tah. Der Kurt het der David Hei gstellt u het mir d'Jael bracht. Si isch grad zu mir is Bett u het mi underhalte. Mir hei du no zäme Kinderfilme gluegt: Pow Patrol (si seit ihm : Pater Pol....)Si het no hunger gha, da hei mir zäme e früschi Mango ggässe. Si het de später no Pizza übercho, wo M@i u Sabi ggässe hei...Der David isch se cho hole u het mir kurz der Noé i d'Arme ggäh. das isch würklech e Sunneschyn...Jetz isch ume Rueh ygkehrt...