Hüt isch am Mamie ihres Hörgrät a Bode gheit u nümm gange. My Brüetsch het sech uf e Wäg gmacht, das im Altersheim go z'hole. Är het mit de Pflegende abgmacht gha. Leider isch üses Mamie so ne Gpürigs, dass si ihn het gseh cho. Är het nid e Mal dörfe mit ihre vor Strass uus pläuderle. Si vergisst immer wieder die rigorose Massnahme wo "zu ihrem Schutz" im Altersheim gälte: ei Bsuech ir Wuche für 45 Minute...u die Wuche het si ja as Hochzyt dörfe...Mir hei hüt mängisch zäme telefoniert u si het's sehr schwär gha, so allei im Zimmer. Si wo am liebschte immer Lüt um sech het...