Also Feste chöi d'Afrikaner meh als mir...si näh sech de mängisch z'ersch Zyt zum Spare bevor si chöi. Da sy mir yglade gsy. Si hei kirchlech ghürate u nächär no paar Täg afrikanisch...Da isch taaagelang tanzet worde...Meistens hei si nach däm Fest jahrelang ihri Schulde abgstotteret...
Bi den Andere hei si z'ersch siebe Kinder gha, bevor si s'Gäld hei gha fürs Fest. Di Andere hei nume afrikanisch: de het der Brutvater einigi Harasse Whisky übercho u paar Geisse...u de het me di Harasse gly glährt gha...
Es wysses hochzytskleid het sech fasch niemer chönne leiste. D'Schwiegertochter vo mym Brüetsch het da es super Projekt lanciert: Projekt - la mariée - Crowdify