Oh, das tuet guet di Pouse! I ha Hüt wieder Mau möge Wösch sortiere...u nächär no ghulfe Guss z'mischle füre Chueche...Es het Käskueche, Spargle.- u Hackfleischkueche u zum Dessert, Kirschikueche ggäh.
Am zwöi sy my Schatz u ig mit em Copen go usfahre. Är isch z'ersch gfahre u vo Sumiswald über Eriswil nach Huttwil bin ig gfahre. I ha's sogar no chönne, u de no Rächtsgstüüret u links gschaltet...
In Huttu hei mir fei e chly postet im portugiesische Spezialitäteshop. Im re Boutique im Städtli, han ig schöni Line Hose kouft für's Fest vo morn. I bi nächär völlig erschöpft gsy u froh drüber, isch my Schatz ume Hei gfahre. Daheime, bin ig grad sofort go liege. Zum Znacht, hei mir feine Sparglekueche ggässe. Dä cha me sogar guet kalt ässe.