Geschter han ig ja d'Chemo gha, drum bin ig Hüt müüüeddd! Am Morge han ig no grad chönne der Köhli schnyde u i Steamer tue u s'Gschirr vom Zmittag zwägmache. Das het grad glängt...I bi sofort ume go liege. Der M@i isch cho fertig choche. D'Sauce het er scho Gester gmacht...Nach ere Halbe Portion Spaghetti are Tomatesauce mit Köhli u Schinkewürfeli, bin ig o sofort ume go liege.
Am 13.30 Uhr isch d'Palliativ Spitex da gsy. Si het mi ermuetiget am Dr. aaz'lütte u ihm mys Aaliege kund z'tue, dass ig nächst Wuche ke Bestrahlig wott wüu üse Suhn hüratet u ig es süsch nid cha gniesse wäg der Reaktion uf d'Strahle. I warte geng no uf ne Rückruef vor Onkoradiologie.
Hinecht hei mir Bsuech vo M. u T. Der Kurt isch am Saltimbocca oder süsch feini Plätzli choche. Es wird sicher ume fein! I bi gsägnet mit guete Chöch i mym ängste Umfäld!