Maurice isch mym jüngere Brüetsch sy bescht Fründ gsy. Er het näb üs gwohnt u het e grosse Brüetscht gha: le petit Pierres. Si Brüetsch het immer e chly Seich im Kopft gha. Mir sy aube e ganzi Tschuppelete Kinder ungewägs dürs Quartier gsy. Hei viu Räuber u Polizei gspielt. Zu dere Zyt sy myni Fuesssole e so hert gsy vom Barfuess loufe, dass i mängisch gar nid gmerkt ha wenn ig i öppis spitzigs gloffe bi.
Der Maurice isch fasch glych alt gsy wi mi Brüetsch u si sy unzertrennlech gsy...
Wo si Vater vernoh het, dass mir id'Schwyz zrügg reise, isch er einisch mit em Maurice zu mynen Eltere cho u het ihne der Maurice gschänkt. Si chönni ihn doch grad mitnäh, er syg ja jede Tag bi ihne u si kenni ihn ja guet.
Sorry, i ha kes bessers Fötteli. Das sy üsi Fründe gsy in Douala. Vore gseht me der Maurice.