Ja, Hüt louft nid viu u das tuet soooo guet!
Am Morge han ig zum Znüni mit Lougegipfeli, Bsuech gha vor R. Si isch würklech di tröischti i dere Zyt. Si mäudet sech jede Tag bi mir u isch scho etlechi Mau mit mir uf Bärn gfahre oder vo Burgdorf Hei...Merci, Liebi Fründin!
I ha sogar möge d'Krutstiele schnyde fürs Zmittag. Es het Räschte ggäh u no Nüssler...D'Sarah het gkochet.
Ändi letscht Wuche isch e Brief cho vom Altersheim wo mys Mamie i "Einzuhaft" isch. Si hei syt em Sunndig ihri Balkontüüre wieder uftah. Die isch über em ne Monet pschlosse gsy...
Ab Gester darf ei Person us em Ängste Familiekreis für 45 Minute i der WUCHE uf Bsuech. Das heisst: Mamie wird am abgmachte Termin mit Maske i ne Ruum a ne Tisch gsetzt. Di Aaghörigi Person darf, nachdäm ihri Date ufgschriebe sy worde samt Fiebermässig, o mit Maske änet am Tisch (1,5 bis 2 Meter) häresitze. Es darf ke Berüehrig gscheh... I FINDE DAS MÖNSCHEVERACHTEND!
Sorry, aber i ha grad e chly müesse Dampf ablah... Di Coronahysterie lampet mir zum Hals us...