I ha gester Abe Müeh gha yz'schlafe nach der Bestrahlig vom 19.00 Uhr. Sobaud ig Daheime bi gsy, han ig es Bad gnoh für myni Kriegsbemahlig wägz'putze. I bi nächär no so chribbelig gsy, dass ig no i mys undere Zimmer bi go Fernseh luege. So het my Schatz i Rueh chönne yschlafe. I bi du gäge Morge o ufe go schlafe u bi bis am Achti im Bett gsy. Es isch scho fein, so ne früsche Bitz Zopf vom Migros. Syt der Chemo man ig ke Kaffee meh näh, so git's zum Zmorge e Tee. Gäge Mittag hei si afa yfüüre u öppen am Eis sy si is Wasser gstiege zum Brätle. Ig bi i Liegistuehl u ha's gnosse, Sunne tanke u öppis Feins vom Grill. Am Nami sy no Thürs Cho u gäge Abe no der M. u syni T. Der Kurt isch no uf go üsere Schwiegertochter zum Geburtstag gratuliere. I ha leider nid möge mitgah.
Hinecht lose mir d' Kinglets.