I der Region vo Bafoussam isch d'Region ähnlech wi z'Ämmitau. Es isch hügeli u sehr grüen. Es isch o vom Wätter här aagnähmer aus in Tiko oder Bonabéri/Douala. In Banjoum, bi Bafoussam het's es Spital gha mit ere Weisestation u dört sy mir aube id Ferie. Dört hei mir üs chönne vor Hitz erhole. Dört hei mir aube richtig Chaut gha. Es het dört o so Fycher gha wo unger d'Zähenägu gange sy u dört ihri Eier gleit hei. Die het me nume mit ere erhitzte Nadle chönne usenäh. Uf em Wäg dört häre, hets öppedie Panne ggäh. Sicher einisch im Monet e Radwächsu u paar Mau sogar en Achsbruch. D'Strasse vo Kamerun sy unberächebar gsy. Mir hei mängs Jahr üse rot VWBus gha.