Das isch e junge Maa gsy in Douala wo aube üsem Hund zuegrüeft het: "gang hindere!" das het er mym Papi abglost. Mir hei zäme süsch ke Dütsch gredt. Der Papi het mit üsem Hund, am Puki Schwyzerdütsch gredt. Dä besagti Daniel isch aube uf de Chnöi derhär cho. Syni Bei hei ihn nid treit, da är aus Bebe Polio gha het.(Chinderlähmig) Mir hei ihn öppedie für id Stadt mitgnoh. Är isch o süsch geng öppe uf e nes Bsüechli cho, het aber nie bättlet oder gjammeret. I ha ihn aus luschtige u gschyde Mändu ir Erinnerig. Er isch nid viu grösser gsy aus der Puki u dä het ne süsch abgschläcket. Dä het churz bevor mir id Schwyz sy, es Hand Drürad vom rote Chrütz übercho. Das het üs gfröit.