Gester am Abe han ig ume müesse gögge, grad alli Medis. I ha zwöi Stund gwartet bis sech my Mage beruhigt het u ig ume myni Schmärzmittu ha chönne schlücke. I ha ersch gäge Morge chönne yschlafe. Wenn ig aube füf Stund a eim Rieme cha schlafe, de isch das gnueg. I liege ja der ganz Tag u mag eh nüt mache. I mag aube nume churz a Tisch u bi gly ume i mym Bett. Am Namittag isch e Fachfrou vor Palliativ Care Emmental da gsy. Si het mir d'Patiänteverfüegig da glah. Si het mir empfohle d'Tablette gäge z'Schlächtsy für paar Tag eifach z'näh. I söu nid warte bis es mir schlächt syg.
My älter Brüetsch u d'Schwägerin sy churz cho Sälü säge. Hinecht hei mir nüt los. Da bin ig scho froh.