I bi grad am Bouillon schluckwys trinke...Was isch Hüt gsy? I ha scho der ganz Tag e mega Müedi...Am Mittag han ig der Sarah gholfe Zmittag choche u bi sofort wieder go liege. I ha mi fasch im schöne Bett vergässe. Der Kurt het mi uf Burgdorf gstellt. I ha am 14.30 Uhr Bym Osteoteam e Termin gha. D'G. het mir fei d'Spannig im Thorax chönne löse. D'R. het mi am drüü dört abgholt. I bi zu ihre uf ihri Polstergruppe go liege u mir sy am Füfi richtig Bärn losgfahre. Es het fasch ke Verchehr gha. Mir sy am 17.25 Uhr ir Insle gsy. Mir hei im Café öppis trunke u ig bi scho Mau id Onko Radiologie. I ha glych no 15 Minute müesse warte u bi du am 18.25 Uhr ume bym Outo gsy. D'R. het mi Hei gstellt. Daheime Aacho isch es mir eifach nid wohl. I ha ne inneri Unruhe u es isch mir immer schlächter worde. Nach em ne Telefon won ig ha müesse rede, bin ig go de Chräie rüefe. I ha du öppis stärchers gno gäge z'Schlächtsy u trinke jetz no ne Bouillon bevor ig myni Schmärztablette cha schlücke...i gah gly is Bett...