Was aube in Victoria o no gsy isch, we mir dört id Ferie sy: di afrikanische Chinder het aube am Strand gruppewyys Dänz vorgfüehrt u de het me ihne derfür chly Gäud ggäh. Es het immer öpper müesse bi de Sachen am Strand blybe, süsch isch alles furt gsy. Sogar d'Kleider hei si eim gnoh...
Das vergissen ig nüme im 1972 isch ar Wiehnachte das Stück di ganz Nacht gloffe u das i eire Lutstärchi: (142) "Sango Yesus Cristo" 1972 - YouTube
U di angere Nächt isch Makossa gloffe. Das isch afrikanischi Musigg wo starch rhythmisch isch u da hesch di ganz Nacht vor allem Dum Dum, Dum Dum Dum ghört...
Nid wyt vo däm Huus wo mir bruucht hei, het's es Hotel gha mit em ne Pool u em ne Meerwasserpool. Dört sy mir o gärn häre. Näb däm Hotel het's e chlyne Zoo gha vor allem mit Affe us der Region. Die bin ig gärn go aaluege...Mys Mamie het Hüt no regumässig Kontakt mit em H. wo denn dört bi der Basler Mission gschaffet het u näbedraa e wunderschöni Villa mit Meerblick gha het. Mir si sy öppedie bi ihre yglade gsy.