Hüt am Nami het mi d'T. uf Bärn gfahre zur zwöite Bestrahlig. Es isch schnäller gange als Gester. I ha aaschliessend no mit em Oberarzt gredt. I han ihm gseit, dass ig letscht Nacht nume sitzend ha chönne schlafe. Är het mi gfragt, wo's mir weh tüeg. I ha ihm das gseit und är het wäg myre schmärzende Schultere gmeint, es syg zwöi Befünd drinne. S'Einte syg d'Rippe grad drunger u s'Zwöite syg no ne Befund im Musku. Das machi's schwierig z'behandle. I reaagiere o Hüt rächt heftig. Der Arzt het gmeint, ig söu meh Schmärzmittu näh...I bi eifach extrem müed u ha ne Hitz i mir. I ha z'Gfüeu, ig strahli vo innen use...Es würkt würklech nache. I tue Hüt nid meh schrybe...bis am Mändig. I gah s'Wuchenändi mit mym Schatz u Fründe furt, hoffe ig chön de o dört schlafe...