Am drü han ig müesse ir Radio Onkologie sy. Vorhär han ig ussert em Zmittag nid viel gmacht gha. Hüt hei der S. u d'Sarah nid im Bplus Büro gässe. Si sy Hei cho ässe. D'R. isch gäge di Zwöi cho. Mir sy no zäme id Apithek go myni Palexia bstelle. Die nütze mir jetze fei guet gäge d'Schmärze. I ha no öpppis müesse uf Konolfinge is Kirchgmeindshuus bringe. I bi also Füf Minute z'früeh dört gsy. Es isch grad eini dört gstande wo mi Name grüeft het won ig ynecho bi. Si het gmeint, i chönnti di Frou sy...Si syge grad nache und ig chönni grad scho cho, es göng ja nume 20 Minute. Mit allen Lagere u Umlagere isch es glych 45 Minute ggange. Es isch es ganz es nöis Grät: TrueBeam - Universitätsklinik für Radio-Onkologie (insel.ch) Es isch sehr interessant gsy vo dere Maschine umstrahlt z'wärde...Si bewegt sech i alli Richtige...I ha nächär so ne Wärmi i mir inne gha...
D'R. het mi ume Hei gstellt. Ab Morn han ig de e Parkkarte. Hinecht hei mir es feins Bier-Fondue gha. I ha sogar möge ässe.